| 塊爛面終於好得八八九九，終於唔駛再睇醫生，真係好貴呀~~不過仲係好紅，要好好保養。
兩個星期，仲係未收返我要的野，不守信用又多多藉口的男人，我真係好唔開心，咁樣仲唔識死心你打死我啦。
|
| |
| 我在做甚麼？自己把像快要癒合的傷口再扯開，讓自己痛多一次。其實我只想拿回我的東西。希望這真的是最後一次。 |
| |
| 今日級社小小小小小小莊聚~ 第一站係行山，參予的只有CHRISTY和ALECK。行的只是石屎路，不斷的上上落落，由屯門的三聖走到深井，也用了兩個多小時。沿途大家也談了很多事情，其實大家相識了數年，尤其是ALECK，亦未像今天談這麼多說話。 第二站有社長及社長的好兄弟加入，地點是ALECK的家，吃PIZZA、打牌。今晚的手風不錯，不過自己其實真的不太愛賭錢。
以為自己沒有感覺，但說到某些話題時，淚水亦會在打轉。 |
| |
| 今日成日都係呆下呆下......傻下傻下......癲下癲下 成朝趕REPORT，一早做就無左成朝，望住個電腦發現已經食得午飯，望住塊鏡發現自己個頭亂到似個傻婆。有一段時間真係唔記得自己做左咩，呢頭聽完個電話，已經唔記得個人打來問咩？又唔記得係咪答好佢野先收線定CUT線@@ 做做下突然間眼前閃了一閃，以為成間公司D電力有問題，問坐係隔離的老細，佢話咩事都無發生，無閃過!個下以為自己神經衰弱~~後來好在同事講返，盞燈真係有閃過一下，我先知，我無幻覺。 食完飯又繼續開會，強行CALL了一個MEETING，但其實大家都唔知要點做，好在最後大佬出返來主持大局。開完會又收到了另一個炸彈，都唔知上手仲留左咩俾我地，真係鑊鑊新鮮鑊鑊金。 明天又是星期五，可惜要見客，又不能好好享受我的HAPPY CASUAL FRIDAY了~~@@ |
| |
